D’Gräfin Ermesinde: liberal, fromm an national

D’Ermesinde ass haut déi bekanntste mëttelalterlech Herrscherin vu Lëtzebuerg. Si gouf dëst, nodeems Historiker si op déi ënnerschiddlechst Manéieren interpretéiert hunn: als Bréngerin vun der Fräiheet, als fromm kathoulesch Prinzessin an als wichteg Verbindung an der „Nationalgeschicht“. All dës Interpretatiounen koumen 1936 zesummen, wéi d‘Stad Iechternach den 700. Anniversaire vun der Iwwerreechung vum Fräiheetsbréif duerch d’Gräfin Ermesinde geféiert huet.